[Traducción al castellano]Hoxe, sábado 31 de Xaneiro, a Confederación Galaica da CNT levou a cabo unha xornada de concentracións en distintos lugares de Galiza para exixir a readmisión dos traballadores despedidos na tenda de Mercadona en Santa Marta (Compostela). En resposta ao chamado de solidariedade feito polo sindicato de Compostela, o conxunto da Confederación realizou concentracións en toda a xeografia galega.
Levaron-se a cabo concentracións nas tendas de Mercadona en Compostela, Coruña, Vigo, Marín, Lugo, Ferrol e Bertamiráns. Á empresa debe-lle ir ficando claro que cando é atacado un militante da CNT, a CNT no seu conxunto se sente atacada e resposta solidariamente. Isto é o que nos diferéncia como anarcosindicalistas que somos. Mercadona debe ter presente que até que o conflito non se resolva de forma favorábel para @s nos@s compañeir@s, a CNT seguirá coas medidas de protesta e presión, en Compostela, na Galiza e en todo o Estado se for necesário.
Mercadona xa debía ser consciente deste facto, pois leva a aturar esta nosa teima solidária durante muitos anos, pois @s traballador@s desta empresa levan muitos anos aturando as condicións de precariedade laboral e acoso ao disidente que gosta de practicar o señor Paco Roig. Muitos anos de intensas campañas desde a CNT dirixidas contra esta empresa.
É unha vergoña que a xeréncia de Santa Marta intente gañar un posto na nómina de tendas boicotadas pola CNT. Mas se quere rematar con esta situación, a solución é unha e doada de cumprir: a readmisión inmediata d@s nos@s compañeir@s, que unicamente tiveron un erro: non agachar a cabeza e non aturar as pesimas condicións às que eran sometid@s pola xerencia.
Se Mercadona quere guerra, a CNT seguirá a dar-lla.
Más información:
Si quieres contribuir a que Kaos en la Red pueda seguir publicando artículos como este, puedes hacer tu donación en:
| Paypal (seguro y permite diferentes formas de pago) |
Microdonación de 2 euros
| Donación de importe libre
|
|