Imagens cedidas por Perico/A Peneira
Actualizado às 17 horas (Kaos. Galiza)
NÓS-UP informou da liberdade das sete pessoas detidas, sendo as últimas a ficar livres as que tinham sido conduzidas ao quartel da Guarda Civil em Salvaterra de Minho, o dirigente vicinal Luís Pardo e o responsável de NÓS-Unidade Popular nessa comarca e membro da sua Direcçom Nacional, Abraám Alonso.
Para hoje às 20h30 foi convocada umha concentraçom em Ponte Areias em solidariedade com as pessoas detidas, condenando a carga policial contra a vizinhança da manhá de hoje e reclamando que se suspendam as obras ilegais da rotunda que causárom o conflito.
NÓS-Unidade Popular, que apoia a luita vizinal e a concentraçom de hoje, reclamou aos grupos municipais do PP, PSOE e BNG que se posicionem contra as obras ilegais e atendam às reivindicaçons dos vizinhos e das vizinhas.
Publicado às 13 horas
NÓS-Unidade Popular
Mais de 40 efectivos da Unidade de Intervençom da Guarda Civil acabou de carregar violentamente contra a vizinhança de Canedo que ocupava desde ontem à tarde as obras ilegais para a construçom dumha rotunda na sua paróquia.
O corpo armado espanhol despejou o acampamento pola força e também praticou várias detençons. Entre as sete pessoas detidas, está o membro da Direcçom Nacional de NÓS-UP e Responsável Comarcal do Condado Abraám Alonso Pinheiro e o dirigente vicinal Luis Pardo.
Estes últimos fôrom transladados à esquadra do corpo repressivo em Salvaterra do Minho e possivelmente sejam acusados de desobediência e atentado à autoridade.
De NÓS-Unidade Popular, expressamos a nossa absoluta solidariedade com a vizinhança de Canedo e a sua exemplar luita. Também condenamos a brutal actuaçom do aparelho repressivo do Estado espanhol e exigimos a liberdade imediata das pessoas detidas. Cumpre também dizer que esta actuaçom tem um responsável político directo: o “socialista” Antón Louro. Em qualquer caso, constata-se mais umha vez o papel histórico da Guarda Civil como força de choque do Estado e da oligarquia para combater o movimento popular, como nas Encrovas, como em Jove ou como em Sabom.
Animamos as vizinhas e vizinhos de Canedo a que continue na luita, contra os abusos e arbitrariedades, contra a repressom e polos seus direitos.
A luita é o único caminho!
Ponte Areias, 16 de Junho de 2009
A Guarda Civil nom impede que continuem os protestos em Sam Vicente e Canedo -> aqui
PP, PSOE e PP às voltas com a rotunda de Sam Vicente e Canedo -> aqui
Todas e todos com a vizinhança de Sam Vicente e Canedo ->aqui
Semanário A PeneiraCarga policial contra veciños de Canedo, Ponteareas
Efectivos antidisturbios da Garda Civil cargaron hoxe ao mediodía contra veciños do barrio de Canedo, Ponteareas, que protestaban polo que consideran obras ilegais de construcción dunha rotonda. Os axentes dobraban en número aos manifestantes, a maior parte xente maior, mulleres e nenos. O resultado foi de varios contusionados, unha señora cun ataque de epilepsia e sete detidos.
Semanas de protesta
A Asociación de Veciños de San Vicente e Canedo leva varias semanas de protesta polas obras de construcción da rotonda de acceso a este barrio ponteareán. “Non recibimos a información técnica nin se nos presentou ningunha licencia que autorice dita construcción”, asegura Luís Pardo o seu presidente. Os veciños esixen a paralización mentras non se repoña o seu estado inicial e o seu entorno, e ata “que os técnicos e mais os responsables do Ministerio saiban como se ten que executar unha obra”.
Pouca vontade política
Dende esta Asociación tamén lamentan a “irresponsabilidade do Concello de Ponteareas por non atreverse a esixir a o Ministerio de Fomento o cumprimento da legalidade consentindo que se realicen obras atentando contra a legalidade en materia de medio ambiente e urbanismo e aínda por enriba alegando descoñecemento, do mesmo xeito tamén acusamos ao partido dos Socialistas de Galicia PSOE de Ponteareas de cómplices dos atropelos do devandito Ministerio por apoiar a construcción dunha obra que a maiores de non cumprir a normativa en materia de construcción non e un exemplo de execución nin de respecto a os veciños/as”.
Mentres tanto esta asociación insiste en aclarar que sí queren rotonda pero “non así”.
http://www.apeneira.com/dixital/index.php?option=com_content&task=view&id=627&Itemid=225
Más información:
Si quieres contribuir a que Kaos en la Red pueda seguir publicando artículos como este, puedes hacer tu donación en:
| Paypal (seguro y permite diferentes formas de pago) |
Microdonación de 2 euros
| Donación de importe libre
|
