A secretária-geral do sindicato, Carme Freire, reclamou ao governo autónomo galego que faga frente às imposiçons dos grandes agentes económicos do sector e que defenda as exploraçons para evitar que acabem de afundir-se na Galiza.
Freire referiu-se à queda dos preços do leite que som pagos pola indústria às exploraçons galegas, que provocam umha nova resposta colectiva com a convocatória para este 17 de Junho de umha tractorada na Galiza, seguida de manifestaçons na sexta-feira dia 19.
As mobilizaçons com tractores desta quarta-feira concentrarám-se em Compostela, Corunha, Ferrol, Vimianço, Chantada, Ribadeu e Lugo, segundo explicou a líder do convocante SLG.
Assim, explicou que os tractores que se reunirám em Compostela sairám desde Ordes (11.00 horas), Estrada (11.15 horas), Lalim (10.15 horas), Arçua (11.00 horas), Rois (10.30 horas) e chegarám à chaira de Salgueirinhos. À zona da Gándara, em Ferrol, chegarám gadeiros desde Moeche e a Capela, que pasarám por Sam Sadurninho, a Mourela, Júvia, Estrada de Castela e a praça do Concelho em Ferrol.
Os tractores que saiam desde Montesalgueiro e Aranga irám pola estrada N-VIN até a sede da Delegaçom do Governo na Corunha; enquanto a de Vimianço chegarám desde Mugia-Quintáns pola C-552 até a chaira do Concelho.
Toda a informaçom está disponível no site do SLG:
Más información:
Si quieres contribuir a que Kaos en la Red pueda seguir publicando artículos como este, puedes hacer tu donación en:
| Paypal (seguro y permite diferentes formas de pago) |
Microdonación de 2 euros
| Donación de importe libre
|
|