El pasáu llunes 12 d'Ochobre la CAA entamó, por primer añu y esperemos que por munchos mas, un dia d'actos n'alcordanza de la revolución asturiana del Ochobre 34. Pela mañana unes 25 persones ficieron una ofrenda floral na fosa común del cimenteriu de San Salvador d'Uviéu. Énte una enorme placa onde se recuerda a los antifacistes muertos de magar 1936, escaeciendo a los antifacistes muertos baxo la republica, un miembru de la CAA lleyó un comunicáu na memoria d'aquellos antifacistes escaecíos pola izquierda y pola derecha, ensalzando los sos valores antifacistes y como, xuntos ensin banderes de partíos nin dogmes, tocaron cola punta los sos deos la llibertá pa los trabayadores asturianos.
Darréu entamose una espicha nel Llocal Cambalache faciendo tiempu y charrando a la espera de los actos de la tarde.
A les 17 hores y énte unes 40 persones un miembru de la coordinadora entrego los primer premiu "Pichilatu" a la resistencia. Esplicó que "Pichilatu" foi un revolucionariu d'Ochobre, anarquista y que foi acusáu de matar a 8 traidores que fuxíen del focu revolucionariu polo qu'en febreru de 1935 el gobiernu de la republica manda fusilalu.
Recoyó'l premiu en nome de los galardonaos , el coleutivu de trabayadores despedíos de Duro Felguera, Manuel Sánchez Terán qu'agradeció'l premiu y que dedicó a los que mas se xugaron el pelleyu n'aquellos dies d'aiciones directes (barricaes, quema de bancos, quema de trenes...)
De siguíu una charra sobre l'Ochobre 34, cola so visión militar y politica, dio pasu a un alderique que s'allargó hasta pasaes les 9 la nueche y dexando un bon tastu y con ganes de siguir cellebrando la nuesa revolución de magar esti añu.
La CAA quier agradecer a tolos asistentes la so presencia asina como a los conferenciantes y al llocal Cambalache el gabitu que mos apurrieron nesti día.