Os supostos intermediários neutrais da Junta da Galiza -governada polo PP- propugérom às representaçons sindicais dos 23.000 operários e operárias mobilizadas umha desconvocatória da greve para amanhá, quinta-feira, o que segundo esses intermediários iria facilitar umha soluçom.
Umha assembleia de trabalhadoras e trabalhadores resolveu a proposta na manhá de hoje, mantendo a convocatória de amanhá, incluindo as empresas com convénio próprio. Os representantes da UGT e CCOO mantivérom umha posiçom morna de suspensom temporária da convocatória, que foi derrotada pola maioria obreira, enquanto a CIG partilhou a posiçom maioritária de dar continuidade à luita.
A proposta da CIG passa por manter as mobilizaçons durante o que resta de semana e, caso nom haja acordo antes, na próxima haverá umha marcha a pé até Compostela, levando a mobilizaçom à sede administrativa da Junta da Galiza, em Sam Caetano.
Porém, antes disso, as negociaçons entre empresários e sindicatos vam continuar na sede da Junta em Vigo, estabelecendo como prazo para a resoluçom do conflito a próxima terça-feira, dia 30 de Junho.
A oferta patronal actual exposta polos mediadores é de um incremento salarial de 2,5 pontos para 2009, o IPC e 1,5% para 2010 e o IPC mais 1,25 para 2011, descartando o IPC no caso de ser negativo nalgum desses anos.
Representantes patronais indicárom que com a UGT e CCOO seria possível já um acordo, mas que as posiçons "radicais" da CIG impedem o avanço.
Hoje, voltou a haver cortes de tránsito e manifestaçom no centro de Vigo, após a jornada de violência policial de ontem, que acabou com vários trabahadores feridos e um hospitalizado.
Más información:
Si quieres contribuir a que Kaos en la Red pueda seguir publicando artículos como este, puedes hacer tu donación en:
| Paypal (seguro y permite diferentes formas de pago) |
Microdonación de 2 euros
| Donación de importe libre
|
|