Os dados tenhem umha alta margem de erro, entre as pessoas nom censadas e as que provenhem de outras partes do Estado, que nom computam no cálculo.
Assim e todo, a Galiza é dos territórios da península que menos imigraçom recebe, comparando, por exemplo, com arredor do 20% que representa a imigraçom nos Países Cataláns. Porém, o salto é importante, tendo em conta que no 1996 a populaçom estrangeira de fora do Estado nom chegava a 20.000 pessoas.
Na última década mais de 500.000 mil galegas e galegos emigrárom a Espanha
As análises espanholas falam de “emigraçom interna” ou simples deslocamentos para se referir ao éxodo galego em direcçom a outras zonas do Estado (especialmente às ilhas Canárias, ao País Basco, aos Paísos Cataláns e a Madrid). A emigraçom hoje continua nuns índices altíssimos, se bem na situaçom social actual o processo fica difuminado nas dinámicas neoliberais de velocidade -massificaçom do tránsito aéreo, linhas de trem, autoestradas- , mobilidade e flexibilidade laboral, para fugir da precariedade laboral e cumprir umhas espectativas económicas dificilmente alcanzáveis no País.
O formato de favorecer estas dinámicas desde o ensino responde às necesidades empresariais de força de trabalho nom arraigada e disposta a deslocar-se segundo a vontade da empresa. Bolsas Erasmus e Sénecas para estudantado universitário som o exemplo de como o sistema oferece em funçom dos interesses económicos.
Origens
As novas galegas e galegos provenhem principalmente de Portugal (dous em cada dez) e, em segundo lugar, do Brasil. Em terceiro lugar situam-se as procedentes da Colombia, com quase 9.000 pessoas. Pouco lhe falta para esta cifra à populaçom romena na Galiza, que é a que mais está a crescer, e já supera à chegada da Argentina e de Marrocos.
Destinos
Na actualidade o censo espanhol também computa um alto número de galegos e galegas no exterior, que chega a 335.000 pessoas. Há galegas em 125 Estados. Se bem esta cifra responde principalmente a interesses eleitorais, posto que muita de esta gente está plenamente integrada nas comunidades de origem e nom tem vontade de voltar. De facto, o Censo de Residentes Ausentes (CERA) tinha registados 45.000 electores em 1989, quando Fraga chegou à Junta. Nos comícios de 1993 esta cifra já se duplicara.
Discriminaçons
Um inquérito dirigido polo professor da Universidade de Vigo, José Luís Outes confirma umha realidade conhecida: a populaçom imigrantes é quen sofre máis accidentes laborais, quem menos cobra, e quem realiza as tarefas mais penosas.
Aliás, o racismo continua a ser foco de agressom para as e os imigrantes. Em claro antagonismo com os turistas -ainda que também estrageiros- explicitando assim como a questom económica e de clase influi decisivamente nestas condutas. Segundo declaram 21% dos e das trabalhadoras entrevistadas tenhem suportado agressons racistas especialmente por parte do funcionariado e a polícia.
Como resultado positivo, 42% das pessoas que responderom o inquérito desejam que a sua estadia na Galiza seja definitiva.
Más información:
Si quieres contribuir a que Kaos en la Red pueda seguir publicando artículos como este, puedes hacer tu donación en:
| Paypal (seguro y permite diferentes formas de pago) |
Microdonación de 2 euros
| Donación de importe libre
|
|