Perante à ofensiva espanholista da Junta do PP que chega também ao ámbito desportivo o nosso colectivo propom a organizaçom de actividades populares tanto de formaçom e lazer como de reivindicaçom.
Assim, após as declaraçons do novo Secretário Geral de Desportos, um homem que nem é galego e que nom tem nengum tipo de complexos à hora de dizer que de selecçons galegas nada, o PP e o pro-espanhol presidente da Federaçom Galega de Futebol cozinhárom a organizaçom do jogo da selecçom imperialista espanhola na nossa Terra.
Porém, se o PP pretendia que fóssemos ficar calados estava muito enganado.
Siareir@s está a preparar umhas jornadas na cidade de Vigo para o dia 29 de Agosto em que se promoverá o desporto popular galego, a formaçom com a organizaçom de palestras e um concerto em apoio às selecçons galegas.
Aliás, para o dia 5 de Setembro, dia do jogo de Espanha na Corunha, Siareir@s convocará umha manifestaçom para exigir à volta da selecçom galega e para mostrar à sua repulsa à presença da selecçom espanhola na Galiza.
Mais umha vez vemos enquanto o nacionalismo espanhol representado polo Partido Popular, nom tem nengum tipo de vergonha à hora de marginar todo o que cheire a galego e primar o que seja castelhano-espanhol, o nacionalismo galego recém saído do governo media e mede cada palavra em relaçom à oficialidade das nossas selecçons e promovia eventos espanhóis como a Vuelta ciclista em troca de apostar sem complexos polo desporto nacional galego. Umha boa liçom que se calhar ajuda aos de Guilherme Vasques a nom perderem votos no futuro...
Más información:
Si quieres contribuir a que Kaos en la Red pueda seguir publicando artículos como este, puedes hacer tu donación en:
| Paypal (seguro y permite diferentes formas de pago) |
Microdonación de 2 euros
| Donación de importe libre
|
