O segundo eixo versou arredor da campanha em contra de toda violência contra as mulheres. O debate aqui centrou-se na definiçom do termo violência porque às vezes concretiza-se em demasia, quando as mulheres sofrem violência em todos os planos da sociedade (bem no plano económico, social ou cultural).

Durante o primeiro dia fijo-se umha apresentaçom da da Campanha internacional contra a violência que se exerce sobre as mulheres da Coordenadora Europeia Via Campesina. Também se tentou definir como focalizar a campanha e pudemos escuitar duras críticas contra a visom reducionista da luita das mulheres que, como muitas outras vezes, os poderes hegemónicos se apropriam dela para a esvaziar de conteúdo.

As labregas da Galiza e outras labregas do resto de Europa analisárom a difícil situaçom económica que estám a atravessar, falando das últimas mudanças da Política Agrária Comum (PAC), o papel das mulheres labregas no desenvolvimento rural e como estas mudanças afecta negativamente à situaçom das mulheres por se atopar numha situaçom de maior vulnerabilidade social. Prevém-se possíveis retrocessos em certos direitos conquistados graças às luitas de muitas mulheres, por isso pensou-se mais necessária que nunca desenvolver umha campanha forte que dê voz às mulheres do mundo para se defender das constantes agressons do patriarcado.
 
Além do Sindicato Labrego Galego, participárom neste Encontro mulheres de organizaçons labregas integradas na Coordenadora Europea Vía Campesina coma a Österreichische Bergbauernvereinigung (ÖBV) de Áustria, Norsk Bonde - Og Smabrukarlag (NBS) de Noruega, Confédération Paysanne (CP) da França, Confederaçâo Nacional da Agricultura (CNA) de Portugal e a Coordinadora de Agricultores y Ganaderos (COAG), organizaçom estatal espanhola.