La media qu’esta sala vien tardando ente la data de pidimientu fiscal y la del xuiciu, ta ente los 9 y 12 meses, polo que nun se ta llevando como debiera cuando malpenes fai mes y mediu de que-y notificaren la so petición. Amás, al nun tar l’imputáu en prisión, nun fai falta tener una conderga enantes de que cumpla los 4 años dende la so detención.

La defensa del militante independentista vien de presentar una quexa pa que s’aplace’l xuiciu, al nun tener tiempu pa preparar bien esti casu. Asina y too, esta posibilidá ye bien probe según reconocieron les mesmes funcionaries del xulgáu qu’almitieron tar "faciendo contrareló toles prebes solicitaes pa poder teneles pa esa fecha".

Lo previsto ye que’l xuiciu entame’l llunes 12 xineru a les 12 hores, siendo perprobable que s’allargue más d’un día polo llargo del sumariu y la gran cantidá de testigos y peritaxes. Ye de recalcar que la policía española llevará diez de los sos miembros, tres d’ellos peritos, a declarar.

Dende Sofitu yá se ta entamando a organizar delles aiciones en protesta ente les que tán :

  Martes 23 d’avientu: Concentración na Casa Sindical de Xixón a les 18:30h.

  Sábadu 3 de xineru: Manifestación dende la plaza L’Humedal de Xixón a les 17:30 h. y conciertu na Casa Sindical de Xixón de magar les 19:00h.

  Llunes 12 de xineru: Marcha en bus a Madrid y concentración na Audiencia Nacional Española a les 12:30h.

La organización anuncia que tán trabayando en más aiciones y rescamplen nel comunicáu más fechos represivos como que; tán acabante de multar a un mozu tres participar na manifestación pola República Asturiana namás que por llevar un cúter col que cortó’l plásticu del baberu, tamién tán recientes dos multes pol fechu de llevar les pegadielles AS na matrícula del coche, otros dos independentistes siguen pagando les multes que-yos punxeron por un delitu d’ultraxe a España y daños, amás d’indentificaciones masives, como’l pasáu 6 d’avientu nuna concentración escontra la Costitución Española, siguimientos, pinchazos telefónicos…

Per úlitmu Sofitu asoleya que too ello supón unos gastos económicos peraltos ente multes, defenses xurídiques, viaxes a l’Audiencia… Poro, faen un llamáu a la to solidaridá, política, pero tamién económica.

Pue collaboráse nesti númberu de cuenta de Caxastur:

2048 0000 23 0340142034