Manuel Marulanda foi lembrado na Galiza
Um ano depois da morte por causas naturais do comandante em chefe das FARC-EP o Capítulo Galiza da CCB homenageou o seu inesquecível exemplo de constância, luita e resistência para os povos do mundo.
Pouco depois das oito da tarde na rua Basquinhos de Compostela umha faixa com a legenda A luita é o único caminho ilustrada com os retratos de Marx, Lenine, Foucelhas, Che Guevara, Moncho Reboiras, Heriqueta Outeiro, Lola Castro, José Vilar e Manuel Marulanda cortava o tránsito numha acçom de solidariedade internacionalista com a insurgência colombiana e de apoio ao legítimo direito dos povos à rebeliom armada contra toda forma de opressom.
Militantes da esquerda revolucionária independentista galega aderiam desta forma à jornada internacional do 26 de Março promovida pola Coordenadora Continental Bolivariana.
“Moncho, Manuel a luita continua!”
; “A soluçom: a revoluçom”; “Povo armado, povo respeitado!”; “A luita é o único caminho”fôrom as palavras de ordem que acompanhárom este modesto homenagem a todas e todos aqueles que combatérom e combatem pola emancipaçom social e a liberdade dos povos.
Galiza realizou deste jeito a sua particular achega ao Dia do direito universal dos povos à rebeliom armada.
Morrer polo povo é viver para sempre!
