Discorrerá pola avenida de Fisterra até a Praza de Pontevedra, e, dende aquí, até a Delegación do Goberno.

 

ASESER-TERANGA ten convocada unha manifestación baixo o lema de: "POLO RESPECTO Á DIGNIDADE DAS PERSOAS INMIGRANTES". O seu obxecto é o de expoñer a nosa protesta polos inmediatos cambios lexislativos que, xunto coas medidas administrativas restrictivas, fan máis dificil a nosa integración social. Asimesmo, queremos poñer de manifesto a existencia de medidas encubertas de racismo e xenofobia que se producen de cotío na nosa sociedade, así como as dificultades para obter a legalización de persoas que levan xa longo tempo en España. 

A marcha arrancará das inmediacións da Casa de Senegal e da Mezquita da Coruña o domingo, día 12 de xullo, ás 19 horas. Discurrirá pola avenida de Fisterra ata a Praza de Pontevedra, e, dende aquí, ata a Delegación do Goberno.

Invitámosvos a participar nesta actividade que, aínda que promovida pola nosa asociación, recolle o sentir da meirande parte das persoas inmigrantes da nosa comarca. 

 

Nengunha persoa é ilegal!