Planta de gas fóra da ría!
O vindeiro domingo día 8 celebrarase no Ferrol unha manifestación convocada polo Comité de Emerxencia contra a planta de gas. Tamén onte unha delegación deste comité pechouse no Concello de Ferrol para demandar da alcaldía unha toma de posición clara contra a instalación de Reganosa na ría.
O movemento Galiza Non Se Vende apoia esta manifestación e chama a participar nela para exixir o peche da instalación que entraña unha das máis grandes ameazas sobre milleiros de persoas que habitan no entorno da ría ferrolá.
Comunicado de apoio de Galiza Non Se Vende á manifestación o día 8 de xuño en Ferrol
A Rede GNSV expresa o seu apoio á manifestación convocada para o 8 de xuño polo Comité Cidadán de Emerxencia da Ría de Ferrol e outros colectivos, para denunciar unha vez máis a ameaza que constitúe a presencia planta de REGANOSA para a seguridade das miles de persoas que viven na Ría, o incumprimento da lexislación vixente que supón o seu funcionamento, coa imposibilidade engadida de chegar a cumprimentar os condicionados esixibles para a súa legalización.
A degradación da riqueza natural que xera e os prexuízos que isto provoca na economía global da comarca, destruíndo postos de traballo do sector marisqueiro e obstruíndo a posibilidade dunha economía propia e sostible.
Esiximos que se cancele o recente proxecto de voar a canle de entrada á Ría pola destrución irremediable que iso produciría nos seus fondos mariños protexidos na rede Natura, nos bancos marisqueiros e no patrimonio histórico da comarca.
Demandamos tamén que non se autoricen as solicitudes de REGANOSA para aumentar a capacidade de regasificación da planta e se prohiba a circulación de camións cisterna con carga de GNL que incrementarían notoriamente o perigo para a poboación.
RGZNSV denuncia que o proceso de instalación da regasificadora na Ría ten revelado unha realidade política ben pouco saudable e un funcionamento opaco da administración, que en todo momento antepuxo e segue a antepoñer intereses probadamente especulativos ás demandas da cidadanía, por riba incluso do cumprimento das leis.
Apoiamos tamén, unanimemente e sen fisuras, a loita contra ese Plano Acuícola inxusto e destrutor do noso litoral, así como todas as loitas que defenden a riqueza natural, patrimonial e irrenunciable deste país que non está a venda. Desde Teis ó Courel e desde A Garda a Ribadeo.
Moitas son as frontes e moitos os problemas. Mais debemos no futuro coordinar os nosos esforzos na búsqueda dese fin común, moi por riba de calquera outra consideración.
Terra viva e digna pra tod@s
Más información:
Si quieres contribuir a que Kaos en la Red pueda seguir publicando artículos como este, puedes hacer tu donación en:
| Paypal (seguro y permite diferentes formas de pago) |
Microdonación de 2 euros
| Donación de importe libre
|
