A convocatória tivo lugar dias depois da detençom de três vizinhos que tentárom parar as obras. Durante o percurso ouvírom-se palavras de ordem contra a repressom e contra os responsáveis políticos da desfeita: PP, PSOE e BNG.
Reproduzimos a informaçom divulgada polo diário digital A Nosa Terra
Máis de mil persoas colapsaron o centro de Cangas do Morrazo á noitiña deste sábado. Protestaban contra a urbanización da antiga Conserveira Massó, no que cualifican como o "maior pelotazo especulativo de Galiza".
A vila xa ten un porto deportivo
Convocados pola Confraría de Pescadores e o Foro Social de Cangas, os manifestantes denunciaron o inicio do recheo da Ría de Vigo en Punta Balea. Alí a promotora Marina Atlántica –participada por Caixanova, Grupo Atlántico e Puentes y Calzada– xa está a construír un porto deportivo de luxo, malia un informe negativo da Consellería de Pesca e multitude de preitos xudiciais sen resolver.
O novo porto deportivo (a vila xa conta con un) é parte dun macroproxecto que inclúe centos de apartamentos de luxo e un centro comercial no singular edificio da antiga Conserveira Massó.
O Goberno local, en perigo de rachar
Entre os berros máis coreados estiveron "Goberne quen goberne, Cangas non se vende", "Caixanova especuladora!" e "Clara Millán, yes we can!". Este último refírese á alcadesa do BNG quen, segundo o Foro Social, non está a tentar parar as polémicas obras, en contra do comprometido no pacto de goberno local.
Pacto que agora está en perigo, pois a Alternativa Canguesa de Esquerdas (ACE) non descarta rachar a coalición de Goberno canda Bloque e PsdeG. Os edís da ACE (coalición de FPG e Esquerda Unida) foron os únicos que participaron na protesta, na que houbo berros contra socialistas, BNG e PP.
"Autorización marisqueira confiscada sen cobertura legal"
Os mariñeiros de baixura foron protagonistas de gran parte da protesta. E é que as obras, como comprobaron as cámaras de ANT TV, xa están a enturbar un dos bancos máis ricos de ameixas e navallas da Ría de Vigo. A confraría cifra en 500 os empregos en perigo por outro porto deportivo de 250.000 metros cadrados nunha "autorización marisqueira confiscada sen cobertura legal".
Marina Atlántica non ten permiso para urbanizar en terra tras a caída do PXOM do anterior goberno local do PP. Polo contrario, si dispón dunha autorización da Autoridade Portuaria de Vigo para o porto deportivo, permiso que remata este ano. Por iso pretende acelerar a súa construción, malia estar recorrida xudicialmente.
Veciños vixían as obras 24 horas
Os veciños pretenden deter as obras e acabar coa política de "feitos consumados", utilizada tantas veces por construtoras e plantas acuícolas na costa galega. De feito, o Foro Social vixían 24 horas unha sinal, colocada polos concellais da ACE, que impide a entrada de máis camións ás obras do Salgueirón.
Más información:
Si quieres contribuir a que Kaos en la Red pueda seguir publicando artículos como este, puedes hacer tu donación en:
| Paypal (seguro y permite diferentes formas de pago) |
Microdonación de 2 euros
| Donación de importe libre
|
| 