Galiza Rebelde é umha página de informaçom alternativa de carácter comunitário e transformador.
O seu objectivo é construir um espaço colectivo de comunicaçom popular para difundir novas, artigos de opiniom, convocatórias, etc. de Galiza e do mundo, que nom tenhem espaço nos meios convencionais, e no qual as achegas desde e para a comunidade som a essência do projecto.
Os media do sistema obedecem a interesses económicos e políticos mui concretos, polo que manipulam a realidade e silenciam as novas que nom lhes convenhem. Frente a isso, Galiza Rebelde pretende recompilar toda a informaçom que proceda de meios alternativos ou seja de interesse para o projecto de transformaçom social que defendemos. Desde unha óptica anti-capitalista, nacionalista e anti-imperialista, pretendemos ofertar um espaço no que dar voz aos diferentes movimentos sociais, organizaçons políticas e pessoas que trabalham em chave transformadora no nosso país e no mundo.
Em Galiza Rebelde cada quem achega as ligaçons às novas que mais lhe interessem, e é a própria comunidade a que as valoriza e define o lugar que lhes corresponde. Ademais, os usuários podem deixar os seus comentários nas diferentes novas.
Aspiramos também a servir de ponto de encontro e de debate (preferivelmente nom de discussom…) dos movimentos sociais e organizaçons diversas do país, para que difundam aqui as suas actividades e reflexons, conformando um espaço na rede que tenha como base o diálogo, o respeito mútuo e a crítica construtiva.
Como funciona?
Na página principal aparecem as novas mais votadas nas últimas horas ou dias. Em “recentes”, poderás ver por ordem cronológica todas as últimas novas enviadas, independentemente do número de votos.
Qualquer usuária/o pode votar positiva ou negativamente umha nova, com só premer na flecha para arriba ou para abaixo, respectivamente. Os votos podem anular-se com só volver premer no mesmo lugar.
Segundo o número de novas enviadas e os votos que estas receberem, as usuárias/os somarám mais ou menos pontuaçom (“karma”), o que poderás ver na lista de “usuárias/os principais”.
Tanto para votar, comentar ou enviar novas deves registar-te, por meio dum processo mui singelo, escolhendo um nome de usuária/o e umha senha.
Nos comentários nom se permitirám insultos, ataques pessoais, spam ou outras más práticas que impidam que Galiza Rebelde funcione com normalidade…
Melhor em galego!
Como dixemos, Galiza Rebelde aspira a acolher conteúdos de carácter internacional, e por tanto também em diferentes línguas. Porém, pedimos que as usuárias e usuários priorizem sempre a procura de fontes (no caso de havé-las) no nosso idioma -nas suas diferentes variantes internacionais-, para contribuirmos a potenciar na rede o uso da nossa língua própria.
Informa, difunde, comunica… transforma!
Começa já a enviar as tuas novas premendo aqui.
galizarebelde@gmail.com
Más información:
Si quieres contribuir a que Kaos en la Red pueda seguir publicando artículos como este, puedes hacer tu donación en:
| Paypal (seguro y permite diferentes formas de pago) |
Microdonación de 2 euros
| Donación de importe libre
|
| 