Depois de 18 días de folga, os traballadores do metal de Pontevedra manteñen un pulso côa patronal na negociación do convenio. Mentres os empresarios buscaban a conxelación salarial por tres anos, os traballadores esixen unha subida do 6% e un convenio de dous anos.
Esta diferenza converteu se na pedra de toque da loita. A patronal pretendía a recuperación dos seus lucros pola via da conxelación dos salários e a ampliación da xornada, ao que os traballadores responderon côas suas mellores armas, a mobilización combativa e a democracia nas decisións.
Mentres, os gobernos adoptan medidas de resgate de empresas e bancos, e promoven políticas de conxelación salarial, de despedimentos e deslocalizacións, de EREs e privatizacións dos servizos públicos, co obxectivo manifesto de descarregar a crise capitalista nas costas dos traballadores e as traballadoras.
EREs presentados en todo o Estado, como o mais recente de Nissan Barcelona, que en Galiza afeta a sectores craves da produción como o téxtil en Caramelo ou na produción de leite, como Leite Pascual, non son alleos á política de resgatar aos capitalistas da crise que eles mesmos criaron. A loita do Metal cuestiona todo este armazón antiobrero e antipopular, mostrando o camiño para enfrentar estas políticas, a unidade na loita e a firmeza nas reivindicacións.
Por este carácter de loita exemplar contra os planos da patronal, desde todos os âmbitos oficiais, a prensa e os medios de comunicación, o goberno central e a Xunta puxeron todo o seu empeño por criminalizar no seu momento, e illar totalmente, a mobilización dos metalúrxicos.
Queren evitar custe o que custe que o exemplo de combatividade e democracia demonstradas, esténdase e ameace por tirar por terra a política do goberno ZP.
Hai que preparar a Folga Xeral
Na Galiza, hoxe, están dadas as condicións para a convocatória dunha folga xeral. En decembro as traballadoras do comercio da Coruña, trás vários días de folga, conseguiron un aumento salarial do 4 por certo. Posteriormente producíronse as loitas das traballadoras de Caramelo, de Pascual, de ABB, de Bunge, de EMESA,... Loitas todas elas contra EREs e para evitar que a clase obreira pague os pratos rotos da crise do capital.
Mas, non son só os traballadores e as traballadoras os que están en loita. Os gandeiros e gandeiras veñen protagonizando tractoradas en diversas cidades contra as multinacionais do sector, ocupando por dias Compostela, os veciños do sur de Galiza mobilizándose contra a especulación e a marbellizacion da costa. Así mesmo, a loita pola defensa do galego fronte a unha ofensiva centralista que non escapa ás necesidades do capital de “aforrar” en gastos que consideran “inúteis”, como é normalizar o idioma das clases populares.
Os metalúrxicos son a vangarda de toda esta loita contra as políticas do capital e a sua vitoria abre as portas á xeralización da loita contra a crise capitalista e as políticas dos gobernos.
Corrente Vermella apóia a convocatória de Folga Xeral do Metal en Pontevedra, o 25 X, que supón a incorporación á mobilización do conxunto do sector, e en especial da factoría da Citroen. Mentres, pola súa banda, o mesmo 25 van á folga os traballadores e as traballadoras do sector da pedra e mármore, das canteiras. Esta é a vía pola que andar: a extensión da loita a outros sectores, no camiño da convocatoria dunha Folga Xeral, como parte dun Plan de Loita até derrotar as políticas da patronal e os seus gobernos.
Esta mobilización debe ser continuidade da FX de Euskadi do 21 de maio, e enmárcase na necesidade dunha Folga Xeral Estatal contra a crise: hai que esixir das direccións sindicasi, da CIG, CCOO e UXT a súa convocatoria.
Desde Corrente Vermella chamamos á extensión da solidariedade cos metalúrxicos do conxunto da clase traballadora do Estado Español, ao envío de comunicados de apoio, á organización de accións solidarias: a vitoria dos compañeiros do Metal é unha porta para todos os demais no camiño da loita por unha saída obreira e popular á crise.
Viva a Loita do Metal
venres 26 de xuño
correntevermella@corrienteroja.net
www.corrienteroja.net
Más información:
Si quieres contribuir a que Kaos en la Red pueda seguir publicando artículos como este, puedes hacer tu donación en:
| Paypal (seguro y permite diferentes formas de pago) |
Microdonación de 2 euros
| Donación de importe libre
|
