Após os movimentos grevistas, nomeadamente em ensino secundário ao longo da primeira metade do curso, a volta às aulas na universidade recupera a dinámica mobilizadora.
Objectivo: Processo de Bolonha, processo de privatizaçom
A mercantilizaçom do ensino superior continua a ser a referência da agitaçom estudantil para além das problemáticas concretas e específicas de centros, cursos ou aulas. Malia a radical diferença entre as mobilizaçons estudantis a este respeito nalguns pontos do Estado, (como València, Barcelona ou Madrid) com a parálise permanente que padecemos na Galiza, as convocatórias a nível estatal mantenhem a sua operatividade polo ámbito de referência espanhola do Sindicato de Estudiantes. Porém, sem por isso empecer o artelhamento, em territórios onde o conflito se encontra mais popularizado (vejam-se os Països Catalans) de movimentos baseados na luita nacional, onde colectivos e assembleias de referência estatal e independentistas trabalham coordenadamente.
Convocatória estatal
O dia 4 de Março, a única entidade estatal com capacidade de convocatória mediática entre o estudantado, o Sindicato de Estudiantes, convoca greve no ensino meio e superior contra o Processo de Bolonha. Na Galiza, as maiores localidades do país acolherám actos de protesto.
Mantemos o compromisso de luita
Após 5 anos continuados de combate prático e teórico contra o Processo de Bolonha, um novo vector tem-se introduzido na análisse do presente e da forma de intervençom política no ensino. Trata-se, como nom, do brutal abismo aberto polo sistema de produçom capitalista. Se bem é certo que se está a proceder a nacionalizar empresas e a falta de crédito freia os anceios de expansom capitalista, nom por isso devemos esquecer que a ofensiva das grandes corporaçons segue aí, e que a massa económica que circula na universidade continua a representar umha mina de ouro para os "pioneiros" como Emilio Botín e companhia. Som estes os principais amos da produçom e beneficiários da riqueza social, os mais poderosos entre os poderosos de hoje, os principais inimigos do poder popular sobre um sistema público de ensino.
Poderá Zapatero intervir (que nom o vai fazer) na educaçom para aumentar despesas. Poderá paralisar-se a ofensiva privatizadora da Universidade (que tampouco vai acontecer). Poderám nacionalizar escolas (nunca se sabe). Poderám quebrar empresas concesionárias de "serviços educativos". Poderám investir o sangue e a suor dos trabalhadores e trabalhadoras em manter os privilégios dos ricos sobre o nosso ensino (isto sim é real). Mas quaisquer que forem a forma e os matizes em que se proponha a dominaçom da burguesia espanhola e galego-espanhola sobre o sistema educativo, nós estaremos nas ruas para opor-nos, e para erguer barricadas contra a privatizaçom das escolas, dos currículos, e das garantias públicas conqueridas. Para continuar exigindo melhores condiçons numha escola pública, universal, gratuita e de qualidade, onde o poder do estudantado seja maior ao dos interesses da patronal e dos governos.
Convocamos a greve nacional no ensino dia 4 de Março
Por isso é que chamamos nesta nova oportunidade a encontrar-nos nas ruas. A conjuntura desmobilizadora na universidade chama ao protagonismo d@s potenciais estudantes universitári@s -ensino meio- . E a concorrência das luitas obreiras contra a exploraçom de classe agudizada ao compasso do crack financeiro obriga a manter o pulso firme e aguardar a unidade de forças.
Desde a esquerda independentista, de AGIR, convidamos-vos a contrui-la já. É hora de saírmos às ruas.
O dia 4, o estudantado às ruas contra a mercantilizaçom do ensino!
Organiza-te e luita!
Más información:
Si quieres contribuir a que Kaos en la Red pueda seguir publicando artículos como este, puedes hacer tu donación en:
| Paypal (seguro y permite diferentes formas de pago) |
Microdonación de 2 euros
| Donación de importe libre
|
|