Segundo os serviços administrativos do Concelho da capital, a petiçom teria-se realizado com falha na forma mas, curiosamente, responde ao mesmo modelo empregado sempre pola organizaçom juvenil BRIGA para realizar com sucesso em anos anteriores umha celebraçom similar.

O departamento de Casco Histórico denegou pola primeira vez em anos a formalidade do permiso para ocupaçom de via pública, no que constitui um perigoso precedente ao qual saberemos dar resposta desde as entidades estudantil e juvenil da esquerda independentista. Porque se algo sabemos, é nom ficar calad@s .

AGIR e BRIGA assinamos este comunicado para denunciar a violaçom dos presuntos direitos constitucionais de associaçom e expressom pública da nossa actividade, embora nom tenhamos umha escusa que explique com mais detalhe os caprichos fascistoides do lamentável governo compostelám de PSOE e BNG.

Entre tod@s , seguiremos organizando mais magustos e mais actividades ocupando as ruas, porque som da mocidade estudantil e trabalhadora desta cidade. A mesma que as limpa, as paga, as padece em ocasions e construi convivência sobre elas.