DL - A plataforma 'Direito à Cidade', que agrupa numerosos colectivos sociais corunheses, entregárom ontem as alegaçons ao PGOM na repartiçom de Urbanismo da Cámara municipal da Corunha.
Representantes das quase duas dezenas de organismos sociais que estám a fazer oposiçom ao Plano Geral de Ordenaçom Municipal que quer aprovar o governo do PSOE e do BNG indicárom que, ao contrário do que dim os integrantes do governo, nom se trata de um Plano participativo nem consensualizado com os agentes sociais. O "obscurantismo" caracterizou o processo, daí que se tenham sucedido as alegaçons de associaçons vicinais e entidades sociais corunhesas até o dia de hoje, em que o prazo de alegaçons conclui.
Junto à falta de participaçom e de informaçom à vizinhança, há desacordo na falta de atendimento às necessidades de umha mobilidade sustentável e no planeamento de umha cidade virada para os centros comerciais, que inviabiliza o pequeno comércio. Por outra parte, o PGOM inclui a possibilidade de aumentar o número de habitaçons num número de 33.000, quando na actualidade há 15.000 desocupadas, o que para a plataforma 'Direito à Cidade' abre as portas à especulaçom imobiliária.
Por último, a falta de garantias à protecçom do património arquitectónico e cultural é mais um aspecto caracterizador de um PGOM que a referida plataforma vem denunciando com umha campanha que inclui um documento informativo sobre conceitos básicos de urbanismo e a necessidade de se opor ao Plano apresentado polo governo municipal. O documento pode ser descarregado aqui mesmo.
Mais informaçom no site da plataforma 'Direito à Cidade'.
Más información:
Si quieres contribuir a que Kaos en la Red pueda seguir publicando artículos como este, puedes hacer tu donación en:
| Paypal (seguro y permite diferentes formas de pago) |
Microdonación de 2 euros
| Donación de importe libre
|
