Depois da convocatória de ontem na Corunha, outras cidades galegas estám a convocar concentraçons contra a barbárie israelita. É o caso de Vigo, Ponte Vedra, Compostela e Ferrol, onde está a avançar-se na convocatória para os próximos dias.
Em Vigo, a convocatória parte do Colectivo de Trabalhadores Galegos, polo Socialismo, NÓS-Unidade Popular, Frente Popular Galega e Movimento pola Base. Será no dia 3 de Janeiro, às 19 horas, no Marco e exigirá umha resposta da chamada Comunidade Internacional ao selvagem ataque israelita contra Gaza.
Em Compostela, a Coordenadora Galega pola Paz convoca umha concentraçom na praça do Toural no dia 30 às 20 horas, "em solidariedade com a Palestina, contra a barbárie sionista".
Em Ponte Vedra, a iniciativa partiu da CGT, com a adesom de diferentes colectivos e organizaçons da esquerda social e soberanista. Concentraçom na praça da Peregrina no dia 30 às 20 horas, "polo fim da ocupaçom israelita" de território palestiniano.
Em Ferrol, a Fundaçom Artábria convocou umha reuniom em regime de autoconvocatória com a proposta aberta de que se convoque umha concentraçom no dia 2 de Janeiro, polo fim da agressom genocida do Estado de Israel e em solidariedade com a Palestina.
Espera-se que nas próximas horas se concretizem novas iniciativas anti-imperialistas noutros pontos da Galiza em resposta ao aniquilamento sionista do povo palestiniano e para manifestar a solidariedade do povo galego com o palestiniano.
Más información:
Si quieres contribuir a que Kaos en la Red pueda seguir publicando artículos como este, puedes hacer tu donación en:
| Paypal (seguro y permite diferentes formas de pago) |
Microdonación de 2 euros
| Donación de importe libre
|
|