... que terá lugar no colégio privado religioso “Fogar de Santa Margarita”, na cidade herculina. Além do suposto “labor profético” de Jesus Cristo e doutros profetas incluídos nas narraçons do Antigo Testamento, a conselheira da Sanidade, conhecida polas suas posiçons antiabortistas e católicas, abordará o tema: “o compromisso político vivido a partir da fé”.
Entre as teses defendidas por Pilar Farjas, que desconhecemos se serám desenvolvidas na sua palestra desta semana, estám a limitaçom da liberdade da mulher em matéria reprodutiva a “ir avante com a gravidez”, para o qual anunciou a criaçom, durante esta legislatura, de umha “rede de ajuda” que procurará “alternativas ao aborto”.
Farjas vai assim ao encontro das exigências do grupo integrista e antiabortista “Red Madre” e polo “Foro Español de la Família”, cuja Iniciativa Legislativa foi aprovada no passado mês de Maio no Parlamento autónomo com os votos do PP. De facto, o PP anunciou que será esse grupo de pressom privado que leve a gestom da suposta “rede de ajuda”.
Na mesma linha, a conselheira ultracatólica denunciou como “um fracasso da educaçom sexual” a existência de abortos no Estado espanhol, anunciando “medidas de ecucaçom sexual” e a reduçom da distribuiçom da pílula pós-coital a centros sanitários e com prescriçom médica.
Agora vemos quais som os foros em que se desenvolve a conselheira antiabortista. Nom sabemos é se Farjas vai aproveitar a sua participaçom nas jornadas católicas para pedir aos “profetas” a reduçom das listas de espera na sanidade pública.
Provavelmente nom, tendo em conta o interesse do seu partido em fomentar a privatizaçom da saúde…
Más información:
Si quieres contribuir a que Kaos en la Red pueda seguir publicando artículos como este, puedes hacer tu donación en:
| Paypal (seguro y permite diferentes formas de pago) |
Microdonación de 2 euros
| Donación de importe libre
|
