Pastoriza explicou que dende o inicio das negociación foron despedidos catro traballadores/as de ambulancias, un en Carballo (que xa foi readmitido), outro no Grove e outros dous en Tui “e as empresas ameazan con novos despedimentos”. Pastoriza asegurou que os empresarios pretenden levar a cabo a negociación cos traballadores “atemorizados” pola vaga de despedimentos, por iso, afirmou, “a CIG vaise retirar das negociacións se non se avanza na readmisión destes tres traballadores”, en referencia á próxima xuntanza do xoves 26 de febreiro.
Os delegados e as delegadas de CIG e CCOO que participaron na convocatoria estiveron concentrados diante do centro de saúde de Tui, para logo desprazarse até as instalacións de Ambulancias Tui, empresa que despediu a un traballador e unha traballadora. Os delegados/as tamén cortaron durante un anaco o tráfico nunha das principais rúas da localidade. As mobilizacións continuarán no caso de que a patronal non readmita de inmediato aos despedidos/as.
O sector das ambulancias emprega en Galiza a máis dun milleiro de traballadores/as que buscan no novo convenio mellorar as súas condicións salariais e de xornada laboral, principalmente. A respecto deste último punto, Pastoriza apuntou que as demandas pasan pola eliminación das chamadas “horas de presenza”, que terían que pasar a considerarse horas extras.
Novas relacionadas
Más información:
Si quieres contribuir a que Kaos en la Red pueda seguir publicando artículos como este, puedes hacer tu donación en:
| Paypal (seguro y permite diferentes formas de pago) |
Microdonación de 2 euros
| Donación de importe libre
|
