Dende Asturies:
Carta abierta al Presidente y al Congresu de Brasil,
Srs. D. Luiz Inacio Lula Da Silva y D. José Sarney
Srs. presidentes,
el nuesu saludu dende les tierres asturianes, y la nuesa esmolición pol asuntu siguiente:
Acabante celebrase na Biblioteca Pública d’Uviéu una conferencia del Sr. Octavio Juncal, a los coleutivos presentes paeció-yos conveniente compartir con ustedes como autoridaes la muera sobre si la CPI coordinada pola senadora Kátia Abreu pa investigar al MST pueda ser una represalia escontra los movimientos llabriegos pola decisión oficial d’actualizar, siquiera mínimamente, los índices de productividá de la tierra en Brasil, mecanismu deriváu de la Constitución pa posibles desapropiaciones a favor de l’apostalgada y pernecesaria Reforma Agraria.
Si esta comisión ye yá la tercera que trabaya nel Congresu sobre’l movimientu social más significativu d’América Llatina, tien xacíu la molición, treslladada tamién poles figures de la cultura, la defensa de los drechos humanos, los artistes, los obispos ya intelectuales de Llatinoamérica que firmaron otra carta o pronunciamientu asemeyáu dirixida a ustedes, si, como paez evidente, nun hai otres CPI que tean pescudando les anomalíes, l’usu de los recursos enormes, que les instituciones brasileñes destinen al llamáu agronegociu, y los señores llatifundistes.
Dende Asturies, grupos diversos d’amigues y amigos del MST pudieron delles veces recoyer recursos d’apoyu, y pudimos tar en direuto n’asentamientos y campamentos de la Reforma Agraria, o nos Foros Sociales Mundiales, comprobando la importancia estratéxica que tien que se consiga la Reforma Agraria, que les lleis brasileñes reconocen tamién como necesaria.
Tamién n’Asturies, el MST tevo reconocencies amplies, ente elles el Premiu Internacional DDHH del Conceyu Siero del 2001, y recibimos de los sos militantes lleiciones de dignidá y compromisu organizativu y social valoratibles enforma.
L’aportación ética del Movimientu de los Sin Tierra, y la cuota de sangre aportao pola xente llabrador brasileño na llucha escontra la desigualdá indecente na propiedá de la tierra nel so país ameritaríen polítiques más actives y clares p’algamar, acordies cola Constitución vixente, asentar a millones de llabradores ensin tierra.
Tamién, la persecución sufrida en dalgunos estaos de la República Federativa poles escueles del MST, que se contradiz dafechu coles reconocencies y premios internacionales recibíos por esta organización polos sos esfuercios descomanaos en materia d’educación, debiera dar remor a ustedes como autoridaes, pa torgar represión tala y pa favorecer la educación en tolos asentamientos y campamentos de la Reforma Agraria, a comuña col Movimientu.
Treslladámos-yos, pues, col respetu debíu,
la nuesa disposición contraria a la criminalización del Movimientu de los Sin Tierra.
y animámoslos a dar cumplimientu a les normes constitucionales que definen les tierres destinaes a la Reforma Agraria, acordies coles normes de productividá nueves, pa dar solución a les 300.000 families acampaes durante años debaxo de plásticos negros.
Quedamos a disposición de so:
Atentamente
Comité de Solidaridá con América Llatina
Soldepaz.Pachakuti
Asamblea por la Paz
Bloque por Asturies
PCA
Asamblea de Ciudadanos por la Izquierda
Picu Rabicu
Amigos del Sahara
Odam
El Militante.
Acsur Las Segovias
Arcu La Vieya.
Plataforma Asturiana de Solidaridad con Chiapas.
Ospaaal Asturies
Más información:
Si quieres contribuir a que Kaos en la Red pueda seguir publicando artículos como este, puedes hacer tu donación en:
| Paypal (seguro y permite diferentes formas de pago) |
Microdonación de 2 euros
| Donación de importe libre
|
