Estamos fartos e fartas do circo institucional deste País. Que a cámara de representaçom autonómica decretada pola Constituiçom Espanhola seja o foro para condenar AGIR polos nossos cativos e humildes actos em defesa da língua galega, diz muito da sua funcionalidade. E diz muito, também, de quem nela "trabalham" por salários de luxo. Foi esta semana quando, numha moçom apresentada polo PP, se reproduzírom os coros unanimente solidários com o fascista Miguel Cancio e contra nom se sabe exactamente quê.
Bloque, PSOE, PP, A MESMA MERDA É!
É que nom há problemas sérios neste País? Ou é que eles nom os padecem?
Enquanto PP e PSOE se enchiam a boca denominando-nos "sujeitos detestáveis", o ex-conselheiro Suárez Canal, em nome do BNG, aderiu às fiorituras condenatórias assumindo a ponência do PP, e declarando-se "defensor dos direitos e valores demoráticos"? A que se referem? Que é que se passou?
É a língua que nos jogamos!
Nom é a primeira vez que utilizam esta fórmula patética de expressom parlamentar sobre nós. Nem sobre o independentismo. Qualquer ocasiom é boa para que se luza o BNG. Os mesmos que antano fôrom companheir@s de Cancio nas suas burradas universitárias, hoje clamam ao céu pola intoleráncia lingüística de... sim, dos defensores do galego (!!).
Tratando-se dumha questom lingüística, os matizes na antigaleguidade do PSOE e do PP só se podem ocultar baixo táticas mais ou menos amáveis para sobmeter o galego no seu nicho isolante e emagrecedor: nesse espaço de rituais académicos dum idioma a meio embalsamar em códigos acientíficos e fracassados; em disquisiçons sobre percentagens de uso escolar formais, nunca levadas às aulas; em conferências e congressos encofrados com milhares de euros públicos para mostrar "afecto por horas" à língua galega; em discursos solenes que precisam de ler com cuidado para nom se trabucar; entre bágoas ambiciosas, lembrando a sua dura vida na aldeia antes de medrar; em entrevistas preparadas obsequiando-nos com relatos da sua galeguidade "originária"...
O BNG, por sua vez, nom tem remédio. Deu entrado num beco do qual nom sabe saír. Resta saber é se querem... Como um video-jogo bloqueado, o BNG bate intermitente contra a mesma parede reclamando que alguém prema a tecla "reset" e volvamos a empezar de zéro. Até que chegue esse momento, nom sabemos quantas perlas nos vai seguir regalando para humilhaçom da história do nacionalismo galego, se é que eles a seguem a escrever.
Alinhar-se com os ultras que representa Miguel Cancio a través da submissom a umha moçom do PP, o mesmo partido que tem emprendido a maior ofensiva em todas as esferas contra a nossa língua. Esta é a triste história como remata a vida de quem quijo ser nacionalista e acabou jogando com Espanha; de quem quijo ser socialista e acabou construindo portos desportivos para a sua nova base social.
O BNG representa com esta classe de condutas um teatro ao qual nom estám obrigados. Som responsáveis na íntegra do seu comportamento suicida. Da sua filiaçom antigalega. Nom é que falem castelhano (alguns, mesmo deputados, sim), é que falam o mesmo idioma político que todos os burocratas e intelectuais da extrema direita que querem aniquilar o nosso.
Rebela-te contra todos
Permanecer no redil agora é, como já há tempo, umha declaraçom de intençons. A gente nova deste País, a mocidade galega rebelde e combativa, nom pode ancorar-se em estéticas conservadoras. Superadas. Fazê-lo expressa a conivência com esse nacionalismo difusso e covarde.
As organizaçons juvenil e estudantil do BNG, que noutra altura representavam o lugar aonde dirigir os sonhos emancipadores de milhares de galegos e galegas, som umha trampa perversa. Comungar a dia de hoje com o projecto vazio, burguês, neoliberal e autonomista do BNG conduz a contradiçons como esta: defender o galego e condenar estudantes monolíngües por realizar actividade estudantil irreverente; por exigir o nosso direito a umha escola em galego. Era necessário?
Nos quase 9 anos de vida que levamos trabalhando nas aulas temos visto parte desta deriva histórica cara a nengumha parte. Já entom, e reiteramo-lo agora com mais um argumento na mao, declaramos que o autoproclamado nacionalismo galego é umha farsa. Um grupo cada vez mais reduzido de pessoas atrapadas em inconfesáveis projectos incompatíveis.
Na honestidade da política coerente e sem complexos da juventude independentista está o futuro nacionalista deste País. Contra Cancio, contra o PP, o PSOE, o BNG e aquilo que os une a todos: Espanha o Capital.
Más información:
Si quieres contribuir a que Kaos en la Red pueda seguir publicando artículos como este, puedes hacer tu donación en:
| Paypal (seguro y permite diferentes formas de pago) |
Microdonación de 2 euros
| Donación de importe libre
|
|