As concentraçons populares servirám para reclamar medidas contra as contínuas mortes de mulheres, vítimas dos seus companheiros, ex-companheiros sentimentais ou outros homens que julgam ter direito à propriedade sobre as suas vidas.
As mobilizaçons som conseqüência da morte de umha mulher em Lugo, assassinada polo marido no que alguns meios de comunicaçom definírom como "crime paixonal", sendo na realidade um assassinato machista.
Em Ferrol, a concentraçom da Marcha está convocada para hoje mesmo às 20 horas, na praça do Concelho.
Em Vigo, será esta sexta-feira às 20 horas em frente do Museu Marco, na rua PRíncipe número 54.
Na capital galega, foi convocada umha concentraçom também para a sexta-feira às 20 horas, na Porta do Caminho.
Caso tenhamos conhecimento de novas convocatórias, actualizaremos a informaçom nas próximas horas.
Iniciativas instituicionais
Em Lugo, a concentraçom decorrida na manhá de hoje contou com a presença dos representantes institucionais, incluído o presidente da Cámara polo PSOE, López Orozco.
Também em Compostela tivo já lugar a concentraçom promovida polas instituiçons, como é habitual após cada morte por violência machista. Neste caso, várias conselheiras do governo da Junta (PP) participárom num minuto de silêncio em frente à sede da Presidência da Junta da Galiza.
A sede da Junta foi o lugar escolhido para a concentraçom da Corunha, com participaçom de representantes da Junta, enquanto em Ourense a concentraçom decorreu na Praça maior, onde a vereadora da Igualdade, do BNG, expressou a "repulsa como governo municipal e como cidadania de Ourense". Em Ferrol houvo umha concentraçom na sede municipal, com intervençom da vereadora da Mulher (do PSOE), que também mostrou "indignaçom e repulsa".
Já em Vigo, a repulsa institucional encenou-se em frente do edifício da Junta, com minuto de silêncio incluído.
Más información:
Si quieres contribuir a que Kaos en la Red pueda seguir publicando artículos como este, puedes hacer tu donación en:
| Paypal (seguro y permite diferentes formas de pago) |
Microdonación de 2 euros
| Donación de importe libre
|
