1º. O Local Social Revira é um espaço alternativo galego sem ánimo de lucro, inserido e ao serviço do movimento popular da comarca de Ponte Vedra fundado em Dezembro de 2003.
2º. Os nossos objectivos som contribuir à construçom nacional da Galiza, defender e promover a língua e cultura galega, o meio ambiente, os direitos da mulher, difundir valores solidários e internacionalistas.
3º. As nossas instalaçons estiverom, estám e estaram abertasa todas aquelas pessoas e entidades comprometidas na transformaçom da sociedade e a liberdade da Galiza para realizar actividades públicas e de caracter interno como reunions, assembleias ou congressos.
4º. Queremos denunciar que estaameaça de feche parte dumha das concelharias gestionadas polo Bloque Nacionalista Galego. A carta vem assinada polo que é o seu novo Porta Voz Nacional, Guilherme Vázquez, até fai pouco responsável da Área de Protecçom Cidadá. Resulta quando menos contraditório e hipócrita que um partido que diz defender a língua e cultura nacionais pretenda fechar um dos poucos espaços monolíngües que possue esta cidade, a qual, para desgraça de todas e todos nós, tem em honra ser umha das mais espanholizadas do País.
5º. Perguntámo-nos por quê após mais de cinco anos de andaina e contínuo trabalho, é agora quando se solicita o fecho do nosso local, sem que tiver havido nengumha mudança nem nos horários nem nas actividades realizadas. Acaso molestam as vozes críticas a este Concelho?
6º. Solicitamos portanto, a imediata paralisaçom do processo de fecho contra o nosso local social, no caminho dum exercício real dosdireitos à liberdade de expressom e associaçom, tam necessários na nossa cidade.
Ponte Vedra, 5 de Julho de 2009
Más información:
Si quieres contribuir a que Kaos en la Red pueda seguir publicando artículos como este, puedes hacer tu donación en:
| Paypal (seguro y permite diferentes formas de pago) |
Microdonación de 2 euros
| Donación de importe libre
|
|