14:00. (hora galego-portuguesa) Após a actuaçom musical de Míni e Mero, que interpretárom umha emotiva cançom popular pertechados de sanfona e viola, Charo Lopes deu leitura às saudaçons internacionais.
(Todo o material gráfico incluído nesta informaçom é trabalho próprio dos repórteres do Diário Liberdade, de reproduçom livre, de preferência citando a fonte)
A solidariedade com a Galiza veu do povo quebequês, ocitano, basco e catalám, cujas organizaçons de libertaçom nacional enviárom o seu apoio à luita do povo galego.
Ao longo do acto, como se pode ver numha das fotos enviadas polos nossos repórteres, a polícia proibiu a livre passagem de pessoas à rua Nova.
O acto encerrou-se com o canto do hino nacional e numerosos berros de independência e "Galiza Ceive, poder popular".
Com esta informaçom finalizamos o intenso acompanhamento que do Diário Liberdade vinhemos fazendo do conjunto dos actos convocados polas organizaçons de esquerda soberanista galega no nosso dia nacional.
Agradecemos a fidelidade dos nossos leitores e leitoras, pois pudemos comprovar, nestes dous dias, com grande alegria, que foi muito grande.
Nas vindouras horas alargaremos a informaçom com galerias fotográficas e as novidades que forem surgindo.
Leo i Arremecaghoná está a ler o manifesto de Causa Galiza
13:38. (hora galego-portuguesa) O conhecido cantor punk Leo i Arremecaghoná está nestes instantes a ler o manifesto assinado polo soberanismo galego para este Dia da Pátria de 2010.
Para além da pressom policial na praça, um helicóptero do Ministério do Interior do Reino de Espanha sobrevoa a cidade velha compostelana.
O Leo informa dos actos que a seguir tem programado Causa Galiza. Após a intervençom deste jovem artista actuarám Míni e Mero, músicos galegos conhecidos polo seu compromisso patriótico e popular.
O conjunto das forças anticapitalistas galegas ajuntam-se sob a legenda 'Soberania Nacional'
13:20. (hora galego-portuguesa) Umha grande bandeira da Pátria presidiu a manifestaçom de Causa Galiza.
Por trás, umha faixa segurada por conhecidas caras do independentismo galego com umha grande legenda de Soberania Nacional e em letras mais pequenas Para enfrentarmos o capital aqui e agora.
A manifestaçom patriótica ajuntou as diferentes correntes independentistas galegas: Espaço Irmandinho, Primeira Linha, MpB, Esquerda Anticapitalista, Corrente Vermelha, Nós-UP, PCPG, FPG e CMC.
Porém, nengumha organizaçom levou faixa própria, excepto o Colectivos da Mocidade Comunista que levou faixa própria.
Manifestantes ocupam o Toral
13:15. (hora galego-portuguesa) O conjunto de manifestantes ocupam o Toral.
Berros pola independência e pola liberdade dos presos independentistas.
A polícia de choque, com a atitude provocatória e violenta que a caracteriza, corta a saída da praça pertrechada de capacetes e armas.
Entre 880 e 900 pessoas assistem à manifestaçom de Causa Galiza
13:00. (hora galego-portuguesa) Segundo dados da equipa do Diário Liberdade entre 880 e 900 pessoas aproximadamente estivérom hoje em Compostela na manifestaçom unitária do soberanismo galego.
A contagem foi realizada por repórteres do nosso diário da Rua Doutor Teixeiro. Acompanhamos umha foto aérea tirada na rua da Senra polos nossos enviados especiais, graças à colaboraçom da vicinhança que nos facilitou o acesso a umha janela com vistas para a manifestaçom.
Abafante presença policial a pesar da tranqüilidade da manifestaçom
12:55. Dez carrinhas da polícia de choque espanhola seguem de perto as manifestantes.
Todas as carrinhas estám postadas na caúda da manifestaçom.
Escuitam-se berros contra a desproporcionada presença policial: "Fora as forças de ocupaçom".
A pŕopria organizaçom, para evitar provocaçons policiais, habilitou fitas abeirando o percurso para separar manifestantes de forças de ocupaçom.
Manifestaçom de Causa Galiza chega à Praça da Galiza
12:50. (hora galego-portuguesa) Nestes momentos a cabeceira da manifestaçom entra à praça da Galiza, eixo central entre a zona nova e velha da capital do nosso País.
O percurso da manifestaçom está a se desenvolver sem incidentes salientáveis.
Centos de pessoas saem em manifestaçom exigindo o direito de autodeterminaçom para o povo galego
12:41 (hora galego-portuguesa) Nestes momentos Causa Galiza inicia a manifestaçom, acto central do dia da Pátria Galega.
Repórteres do Diário Liberdade logo oferecerám dados reais sobre a participaçom deste ano no acto unitário do soberanismo galego.
A Alameda já está lotada de povo pronto para se manifestar polos direitos nacionais da Galiza
12:30. (hora galego-portuguesa) Nestes momentos a Alameda a altura da Porta Faxeira está inçada de pessoas prontas para saírem em manifestaçom.
Sob as grandes árvores da Alameda compostelana dúzias de bandeiras da pátria e comunistas. Às beiras, bancas com material de diferentes organizaçons populares: associaçons culturais, organizaçons políticas, sindicais, feministas..
Começa a se lotar a Alameda de Compostela com bandeiras galegas e comunistas
12:20. (hora galego-portuguesa) Vai dar começo em breves minutos a manifestaçom unitária do independentismo galego.
Na capital da Galiza a temperatura é magnífica. O tempo do verao será agradecido, com certeza, polos milhares de manifestantes que hoje se congregam em Compostela.
Destas páginas iremos fazendo um detalhado acompanhamento do percurso da manifestaçom.
SEGUIMENTO:
http://www.diarioliberdade.org/index.php?option=com_content&view=article&id=5031:a-alameda-ja-esta-lotada-de-povo-pronto-para-se-manifestar-polos-direitos-nacionais-da-galiza&catid=249:resenhas&Itemid=131
Más información:
Si quieres contribuir a que Kaos en la Red pueda seguir publicando artículos como este, puedes hacer tu donación en:
| Paypal (seguro y permite diferentes formas de pago) |
Microdonación de 2 euros
| Donación de importe libre
|
|26-07-2010
As contas estám correctas, nom nos enganemos
O pessoal de Diário Liberdade / Kaos contou as pessoas por duas vias: na rua e a partir de fotos aéreas. Os números oferecidos som rigorosos, polo menos nos dous pontos onde se fijo a contagem: Rua da Senra e Rua Doutor Teixeiro. Nos dous casos, nom havia mais de 900 pessoas.
Talvez mais adiante houvesse algumhas incorporaçons de mais gente mas, cuidado, nom é certo, nem de longe, que houvesse 3.000 pessoas.
Foi umha manifestaçom digna, como em anos anteriores, mas nom nos enganemos, por favor.
|