Convidamos a assistir às jornadas sobre o aborto desde umha perspectiva de género que vam ter lugar em Vigo na Casa das mulheres o 27 de Novembro às 19:00 h. com entrada libre até completar aforo, em que contaremos com:
José Luís do Val Conde (chefe do serviço de ginecologia de Ourense)
Doris Benegas Haddad (feminista e advogada)
Neste 25 de Novembro volvemos a ter que lembrar a violência de género e imos continuar a denunciar que ainda queda muito que fazer. Depois de anos de luita as mulheres conseguimos que se aprovaram leis específicas que reconhecem a violência de género como um problema social que tem a sua origem nas normas estabelecidas na cultura patriarcal.
Mas ainda nos queda muito que mudar para rematar com as agressons machistas. Para nós as violaçons e agresssons sexuais, os maus tratos físicos e psíquicos, o controlo sobre a nossa sexualidade, a discriminaçom salarial, a feminizaçom da pobreza, a falta de reparto equitativo nas tarefas domésticas, a negaçom do nosso direito a decidir livremente sobre a nossa saúde reprodutiva, as dificuldades “extra” para a participaçom social e a vida pública, a continuidade das exigências de rol e a escasa atençom efectiva que todo isto provoca nas instituiçons forma parte da nossa vida cotiá.
Nos últimos tempos ante o debate do anteprojecto de lei do aborto assistimos a umha campanha em contra de que as mulheres poidamos decidir interromper voluntariamente a gravidez. Isto constitue sem dúvida umha agresson aos diretos básicos, à capacidade de decidir como pessoas de pleno direito, mas tambem é um recordatorio do muito que nos queda por combater, do muito que nos queda por construir para chegar a viver num mundo mais justo, solidário, feminista.
Assiste o sábado 27 às 11:30 h na Praça do pam (Cervantes) Compostela acçom feminista convocada pola rede feminista galega.
Actividades convocadas pola MMM : http://www.feminismo.info/webgalego/
Más información:
Si quieres contribuir a que Kaos en la Red pueda seguir publicando artículos como este, puedes hacer tu donación en:
| Paypal (seguro y permite diferentes formas de pago) |
Microdonación de 2 euros
| Donación de importe libre
|
